Eslatib o'tamiz, Enco Madridda yashash istagi haqida aytgan so'zlari tufayli ikkita o'yinga chetlatilgan edi. U Angliya Kubogi doirasidagi "Port Veyl" (7:0) va APLdagi "Manchester Siti" (0:3) bilan bahslarni o'tkazib yubordi.
"Har qanday jamoa Encodek futbolchini sog'ingan bo'lardi. Men rahbariyat va sport bo'limi qo'llab-quvvatlovi ostida klubning uzoq muddatli istiqboli uchun shunday qarorga keldim.
Enco bilan bog'liq vaziyatda hech qanday shaxsiy adovat yo'q. U seshanba kuni jamoa mashg'ulotlariga qaytadi. U ajoyib futbolchi va juda yaxshi yigit. Uning qaytishini intizorlik bilan kutyapman.
Men avvalroq aytgan muammo mavjud edi: Enco jamoa yetakchilari va boshqa futbolchilar bilan gaplashib olishi kerak edi. Men matbuot anjumani o'tkazayotgan vaqtimda u hali buni amalga oshirmagandi. Endi esa u men bilan ham, rahbariyat va barcha jamoadoshlari bilan ham gaplashib oldi. Biz uning qaytishini kutmoqdamiz", - dedi Rosenor Sky Sports nashriga bergan intervyusida.
Endilikda Enco Fernandes 18 aprel kuni "Manchester Yunayted"ga qarshi kechadigan muhim bahsda jamoasiga yordam berishi mumkin.
