"Ҳеч қачон бу қадар чуқур дардни ҳис қилмаганман. Жамоадошларим билан гаплашмоқчи эдим, лекин қўлимдан келмади. Ҳеч нарса амалга ошмади. Шок ҳолатида эдим. Бироз хавотирли ва хафамон эдим, чунки бу оғир зарба эди. Учта совринни қўлга киритиш имкониятига эга эдик, аммо охир-оқибат ҳеч бирини қўлга кирита олмадик" — дейди Мартинес.
Аргентиналик футболчи 2018 йилдан бери "Интер" шарафини ҳимоя қилиб келмоқда. Унинг клуб билан шартномаси 2029 йил ёзига қадар амал қилади. Transfermarkt маълумотларига кўра, унинг бозор қиймати 95 миллион еврога баҳоланган.
