"Ханси хотиржам, илҳомланган ва ғайратли кўринади. Бизда аллақачон амалдаги келишув бор ва мен уни янгилашимизга аминман.
Флик том маънода "Барселона" учун яшайди. Биз унинг ишидан жуда мамнунмиз — у ҳам ўзига яраша характерга эга, ҳам жамоани чуқур тушунади. Доимий босимга қарамай, у бу жараёндан завқ олаётгани аниқ", – деди Лапорта "Catalunya Radio" эфирида.
Германиялик мураббий каталонияликларни 2024 йил ёзида қабул қилиб олди ва жамоа билан чемпионатда ғолиб чиқди, Испания Кубоги ва Испания Суперкубогини қўлга киритди. Фликнинг амалдаги битими 2027 йилнинг ёзига қадар амал қилади.
