Кристиан Эриксен МЮга ўтганидан сўнг фикр билдирди

- Ўтган мавсумни "Брентфорд"да ўтказгандингиз, бу йил ёзда эса сизда кўплаб таклифлар бўлди. "Манчестер Юнайтед" нимаси билан қизиқтирди? 

- Биринчи навбатда футбол. Мен футбол ўйнашни истайдиган одамман. 

Ўйлайманки, янги мураббий ғоялари ва суҳбатимиз орқали, мен ўзимни Манчестерда тасаввур қила оламан. 

Шунингдек, бу катта клуб, агар энг каттаси бўлмаса. Клубда катта тарих бор. Бунинг бир қисми бўлиш ёқимли. 

- МЮга қарши ўйинлар билан боғлиқ хотиралар ҳақида гапириб беринг. 

- Улар доим яхши ўйнашган. Бир неча оғир ўйинлар бўлган. Аммо доим яхши хотиралар қолган. "Олд Траффорд"да ўйнаш ажойиб. 

- Янги мавсум учун шахсий ва клуб миқёсидаги мақсадингиз қандай? 

- Ишонаманки, мақсадимиз - яна юқорида бўлиш. Клуб буни орзу қилмоқда. Ягона вазифа - имкон қадар юқорига кўтарилиш. Ўйлайманки, мақсад қандайдир соврин ютишдан иборат бўлади", - деди Эриксен.