Коло-Муани "Айнтрахт" билан машғулот ўтказишни истамади. У Парижда ПСЖнинг трансферини кутмоқда

Рандаль Коло-Муани "Айнтрахт" машғулотларида қатнашишни истамади. Ҳужумчи клуб раҳбариятига жамоадан кетмоқчи эканини маълум қилган. 

"Биз Рандалнинг ҳақиқий юзини кўрдик. Ҳозир унда босим юқори, гап шундадир балки. Биз у ва унинг атрофидаги инсонларга бундай иш тутиш нотўғри эканлигини маълум қилдик. Унинг хатти-ҳаракатлари трансфер сиёсатимизга ҳеч қандай таьсир ўтказмайди. Бор эътиборимиз кейинги учрашувга қаратилган", -дейди "Айнтрахт" клуби спорт директори Маркус Креше.

Маълум қилинишича, Рандаль Коло-Муани айни дамда Париж шаҳрида бўлиб, ПСЖ клубининг трансферни якунига етказишини кутмоқда.