"Аҳмедов ФК" клуби ҳамда Ўзбекистон U-18 терма жамоаси дарвозабони Неъматуллоҳ Рустамжонов "Андижон" клубига ўтди.
“Андижон” жамоамизнинг навбатдаги трансфери яна бир Осиё чемпиони - Неъматуллоҳ Рустамжонов!
У 2008-йилнинг 17-март санасида Тошкентда дунёга келган. 5 ёшидан миллионлар ўйинига кириб келган.
Дарвозабоннинг илк жамоаси “Пахтакор”. Кейинчалик “Одил Жуниор”да таҳсил олди.
2024-йили Осиё чемпионати саралашида 3 та учрашувнинг 2 тасида дарвозани қўриқлаб ўз постини муносиб ҳимоя қилган ва гол ўтказмаган.
Ўтган йили U-17 Осиё чемпионатида терма жамоамиз сафида мусобақа ғолиблигини қўлга киритди ва энг яхши дарвозабон деб топилди. У 5 та учрашувда қатнашган ва 2 та қуруқ ўйин ўтказган. Шунингдек Қатардаги мундиалда ҳам иштирок этди.
Неъматуллоҳ, “Андижон” жамоамизнинг аҳил оиласида хуш кўрдик!", дейилади клуб расмий хабарида.
