"Мен ушбу янги чақирувдан жуда хурсандман. Музокаралар тез ва осон кечди – бу менинг тўғри жойда эканлигимни кўрсатадиган ижобий лаҳза. Клуб раҳбарияти билан бўлган илк суҳбатлар ҳақиқатдан ҳам очиқ руҳда ўтди ва мен шу ерда ишлаш истагим борлигини дарҳол англаб етдим. Мен жамоа, клуб ходимлари ва, албатта, мухлислар билан танишишни интизорлик билан кутяпман!", – деди Клозе.
Клозе футболчилик фаолиятини якунлагач, Германия терма жамоаси бош мураббийи ёрдамчиси бўлди. Кейинчалик "Бавария" U-17 жамоасини бошқарди, сўнгра Флик Мюнхенни тарк этгунга қадар унинг ёрдамчиси сифатида ишлади.
