Кантедан ўзига хос рекорд

Франция терма жамоаси Европа чемпионати 1/4 финали доирасидаги ўйинда Португалия терма жамоасини мағлуб этди (0:0, пенальтилар бўйича – 5:3). Ушбу ўйин "Ле Блу" ярим ҳимоячиси Н'Голо Канте учун муҳим воқеа бўлди.

Франциялик футболчи Европа ва Жаҳон чемпионатларида 20 та ўйинда мағлубиятга учрамади. Бу барча европалик футболчилар орасида энг яхши натижа ҳисобланади.

33 ёшли хавбек сўнгги 20 учрашувда 13 ғалаба ва 7 дуранг қайд этган.