Жиру Франциядаги голлари ҳақида: "Платинини қувиб ўтишни истайман"
08 сен 2019 19:28
Янгиликлар

Жиру Франциядаги голлари ҳақида: "Платинини қувиб ўтишни истайман"

Франция терма жамоаси ҳужумчиси Оливье Жиру Евро-2020 саралашининг Албанияга қарши учрашувдан (4:1) сўнг ўз хулосаларини айтиб ўтди.

"Термага қайтиш ва шундай ажойиб ўйин кўрсатиш жуда ёқимли. Хурсанд бўлиш учун кўплаб сабаблар бор, айниқса биринчи бўлим якунларига кўра. Иккинчи таймда бироз чарчаб қолдик, лекин яхши комбинацияларни амалга оширишни уддаладик. Ҳужумларга шай ҳолатда ўтиб кетдик.

Мақсадим – терма жамоадаги голлар сони бўйича Мишель Платинига етиб олиш. Менимча бу захирада кўмилиб ўтиришимга йўл қўймайдиган яхши мўлжал", - дейди Жиру.

32 ёшли ҳужумчи Франция термаси сафида 36 та гол урган, Платини ҳисобида 41 та гол бор. Франциянинг рекордчи футболчиси Тьерри Анри 51 марта рақиблар дарвозасини ишғол этган.

Ҳавола :

Манба : getfootballnewsfrance.com

Янгиликларни Телеграмда ўқинг!

Рейтинг: +2