Франция – Марокаш ўртасидаги баҳсни мексикалик Сесар Рамос бошқариб боради. Унга қанотларда ҳамюртлари Альберто Морин ва Мигель Эрнандес кўмаклашади. ВАР учун маъсул канадалик Дрю Фишер, унинг ассистенти эса колумбиялик Николас Гальо бўлади.
Сесар Рамос бунгача мусобақада 3 та баҳсда ишлади: гуруҳ босқичидан ўрин олган Дания – Тунис (0:0), Бельгия – Марокаш (0:2) ҳамда 1/8 финал доирасидаги Португалия – Швейцария (6:1).
Эслатиб ўтамиз, Франция – Марокаш учрашуви “Ал Байт” стадионида ўтказилади.
