ЖЧ-1934. Италиянинг чемпион бўлган таркиби + ФОТО

Италия терма жамоаси ЖЧ-2018 саралаш мусобақасидан ўта олмаганлиги сабали, бу йилги мундиалда иштирок этаолмаслигидан барчанинг хабари бор. Шундай бўлсада биз 1934 йили Италия терма жамоаси илк маротаба мундиалда чемпион бўлган таркиби ва натижалари ҳақида сайтимиз ўқувчиларига маълумот бериб ўтамиз.

Биринчи жаҳон чемпионатида 13та терма жамоа қатнашган бўлса, иккинчи жаҳон чемпионатида 32та терма жамоа иштирок этган. Мундиалнинг биринчи босқичида Италия терма жамоаси АҚШни йирик 7:1 ҳисобида мағлубиятга учратган. Ушбу учрашувда киритиилган голларга Анжело Скьявио 3та, Раймундо Орси 2та, Жованни Феррари ва Жузеппе Меацца биттадан голга муаллифлик қилишган.

Чорак финалда Италия терма жамоаси Испания билан 1:1 ҳисобида дуранг натижа қайд этади. Баъзи бир сабабларга кўра ушбу ўйин натижаси бекор қилинади ва терма жамоалар қайтадан ўйин ўтказишади. Такрорий бўлиб ўтган ўйинда ""Скуадра Адзурра" рақибларини кичик 1:0 ҳисобида мағлубиятга учратишади ва ярим финал йўлланмасини қўлга киритади. Ушбу учрашувдаги голга Жузеппе Меаца муаллифлик қилган.

Ярим финалда италияликлар Асвтрия терма жамоаси билан баҳс олиб боради. Бу ўйинда ҳам Италия терма жамоасини рақибларини кичик 1:0 ҳисобида ғалаба қозонган ва финал йўлланмасини қўлга киритган. Ушбу ўйиндаги голга Энрике Гуайта муаллифлик қилган.

Финалда Италия терма жамоаси Чехословакия терма жамоасига қарши баҳс олиб борган ва 2:1 ҳисобида ғалаба қозонган. Бу ўйинда Антуан Пуч ҳисобни очган бўлса, Раймундо Орси ҳисобни тенглаштирган. Анжело Скьявио эса Италияга ғалаба келтирган голга муаллифлик қилган. Шу тариқа Италия терма жамоаси 1934 йилги мундиалда ғолиб бўлган ва "олтин маъбуда"ни қўлга киритган.    

Дарвозабонлар: Жузеппе Каванна ("Наполи"), Жанпьеро Комби ("Ювентус"), Гвидо Мазетти ("Рома")

Ҳимоячилар: Луижи Аллеманди (Амброзиана-"Интер"), Умберто Калигарис, Виржинио Розетта (иккиси ҳам – "Ювентус"), Эральдо Монцельо ("Болонья")

Ярим ҳимоячилар: Луижи Бертолини, Луис Монти, Марио Варгльен (барчаси – "Ювентус"), Армандо Кастелацци, Жузеппе Меацца (иккиси ҳам – Амброзиана-"Интер"), Аттилио Феррарис ("Рома"), Марио Пицциоло ("Фиорентина")

Ҳужумчилар: Пьетро Аркари ("Милан"), Феличе Борель, Жованни Феррари, Раймундо Орси (барчаси – "Ювентус"), Аттилио Демария (Амброзиана-"Интер"), Энрике Гуаита ("Рома"), Анфиложино Гуаризи ("Лацио"), Анжело Скьявио ("Болонья")

Бош мураббий: Витторио Поццо

Жаҳонгир Сотволдиев тайёрлади