Жасур Абдураимов: "Легионер бундай ўйнамаслиги керак"

Ўйин ҳақида

- Биз кўпроқ ишлашимиз ва ўйин амалиётини кўпайтиришимиз зарур. "Янгиер" яхши жамоа экан, бугун улар яхши ўйин намойиш этишди. Улар олдинги турда "Қўқон-1912" жамоасини мағлуб этишганди. 

Биз ўйинимизни кучайтириш учун ҳаракат қилаяпмиз, хурсанд қиладиган томони йигитлар охиригача курашишаяпти. Сифат озгина етишмаяпти, лекин ҳаракат қилишда давом этаяпмиз. Ҳамма нарсага ҳам вақт талаб этилади. 

- Евгений Чумак нега биринчи бўлимда алмаштирилди?

- Легионер бир бош устун бўлиши керак. 50/50 га холатда биз уни алмаштирдик. Ёшларга кўпроқ имконият беришга ҳаракат қиламан. Легионер шундай ўйин намойиш этмаслиги керак.

- Кейинги турда "Қўқон-1912"ни ўз майдонларингда қабул қиласизлар. Шу ўйин ҳақида фикрингиз?

- "Қўқон-1912" жамоасининг ўйини манга ёқади. Яхши жамоа, ҳар бир чизиқда яхши футболчилар жам бўлган. Зўр ўйин бўлади. 

- Иккита мажбурий ўзгариш футболчиларнинг жисмоний тайёргарлиги билан боғлиқми?

- Йўқ, бу жисмоний тайёргарлик билан боғлиқ эмас. Иван Нагаев жароҳат олди, уни алмаштирдик. Футбол шунақа ўйин, жароҳат ёки қандайдир вазиятларга тайёр туришимиз керак. 

- Кўп йиллар давомида "Пахтакор"да фаолият олиб боргансиз. Жамоага ОЧЛдаги ғалабага нима етишмаяпти деб ўйлайсиз?

- "Пахтакор"да 16 йил ишлаганман. Бу жамоа юрагимда қолган ва шу боис бу борада бирон фикр билдира олмайман.