"Жамоа аъзолари ёрдам беришга тайёр" — Роберто "Барселона"да маошлар камайиши ҳақида

"Барселона" ҳимоячиси Серхи Роберто Каталония клуби футболчиларининг молиявий ҳолати масаласида ўз фикрлари билан ўртоқлашди.

"Маошимиз камайишига қаршилик қилганмиз? Бундай ахборотлар – мутлақо ёлғон. Биз розилик берганмиз, жамоанинг барча аъолари ёрдам беришга тайёр. Ҳамкорлик қилишни ва "Барселона" молиявий барқарорликка қайтишини истаймиз.

"Барселона"ни Лапорта бошқаришини билиб, ҳаммамиз ойликлар камайишига розилик билдирганмиз. Ёзда бор диққат-эътибор Месси билан музокараларга қаратилганди, аммо бу вақт ортда қолди. Биз дастлабки дақиқаларданоқ ҳамкорлик қилганмиз ва ёрдам беришга шай турганмиз", – деди Роберто.