Ихтиёр Каримов: "Локомотив" кучли бўлмаганида олий лигада эмас қуйироқ лигада ўйнарди

Мезбонлар учун осон бўлмайдиган ушбу учрашув олдидан, яқин кунларда жамоамизнинг вақтинча бош мураббийи сифатида тайинланган, "Шўртан"нинг фидоий мураббийларидан бири - Ихтиёр Тоғаевичнинг турнир жадвалининг етакчиси билан кечадиган бахс тўғрисидаги фикрлари билан қизиқдик.

-  Олий лиганинг ҳар бир жамоаси ўз ҳурматига эга, кучли жамоа деб ҳисоблайман. Агар улар кучли бўлмаганда олий лигада эмас, балки қуйироқ лигада куч синашарди. Айнан бугунги рақибимиз ҳақида тўхталадиган бўлсам, ҳозирги кунда"Локомотив" жамоаси нафақат миллий балки Осиё чемпионлар лигасида ҳам етакчилик қилмоқда. Рақибизнинг яқин орада ўтказган ўйинларини кузатиб, таҳлил қилиб чиқдик. "Локомотив"  таркибининг ҳар бир чизиғида ўз ижрочилари бор. Шу сабабли, ўйин жуда қийин бўлади бўлади деб ўйлайман. Аммо, рақибимиз бир неча кун олдин ОЧЛда меҳмонда ўйнаганини ва сафарда  анчагина куч йўқотгани аниқ. Ушбу имкониятдан фойдаланиб ҳамда хато ва камчиликларимиз устида ишлаб, ҳар бир содир этиладиган қулай вазиятлардан унумли фойдаланишга ҳаракат қиламиз. Бир сўз билан шуни айтмоқчиманки, биз футболчиларимизга ишонамиз, - дейди Ихтиёр Каримов.

"Шўртан" ПФК матбуот хизмати