Инзаги: "Биз ранжидик, аммо йигитларим билан фахрланаман"

"Ҳаммамиз қаттиқ ранжидик. Бироқ мен йигитларга ЕЧЛдаги бу мавсум билан фахрланишлари мумкинлигини айтдим. Бугунги беллашувнинг муҳим паллаларида яхшироқ ҳаракат қилишимиз керак эди. Қўшимча бўлимларда биз ўйинни назорат қилдик, бироқ кўп хатоларга йўл қўйдик. Бундай ўйинларда хатолар кечирилмайди. Шубҳасиз, биринчи учрашувда биз йирикроқ ҳисобда зафар қучишимиз мумкин эди. Бугун эса гол урганимиздан кейин устунликни сақлаб қолиш керак эди, бунинг ўрнига улар дарҳол мувозанатни тиклашди ва ўйинга қайтишди. Жамоа мағлубиятларга ўрганмаган ва чорак финал йўлланмаси ўз қўлимизда эди. Биз қаттиқ ранжидик, лекин мен йигитлар билан фахрланаман; улар менга ҳақиқий завқ бера олишди. Эндиликда биз ўтган ишни унутиб, олға интилишимиз зарур, чунки бизни буюк мақсад кутмоқда".