Иньяки Уильямс Альфредо ди Стефанонинг рекордини янгилади

“Атлетик Б” ҳужумчиси Иньяки Уильямс Ла Лига 15-тури доирасида “Вильярреал”га қарши баҳсда (1:1) майдонга тушди. Бу Уильямс учун Ла Лигадаги кетма-кет 172-ўйин бўлди. Натижада футболчи афсонавий Альфредо ди Стефанонинг рекордини (171) янгилади.

Ла Лигада кетма-кет ўйинлар сони бўйича мутлақ рекорд эса 1980 йилдан 1994 йилга қадар “Реал Сосьедад”да тўп тепган Хуан Антонио Ларраньягага тегишли ҳисобланади (кетма-кет 202 та ўйин).