Илҳом Ҳамроев: "Янги мураббийнинг ғоя ва тактикаларини аста-секин тушуниб боряпмиз"
20 дек 2023 20:24
Янгиликлар

Илҳом Ҳамроев: "Янги мураббийнинг ғоя ва тактикаларини аста-секин тушуниб боряпмиз"

Теглар : Ўзбекистон футзал терма жамоаси Илҳом Ҳамроев

Марокашга қарши иккинчи ўртоқлик учрашувидан сўнг Ўзбекистон футзал терма жамоаси аъзоси Илҳом Ҳамроев ўз фикрларини билдирди.

— Ўйин ҳақида...

— Гувоҳи бўлганингиздек, қийин ўйин гувоҳига айландик. Биринчи учрашувда йўл қўйган хатоларимизни кўриб чиқдик ва мураббий томонидан тегишли кўрсатмаларни олдик. Шундан келиб чиқиб, мураббийлар мазкур баҳсда бошқача тактика қўллашди. Ўйлайманки, биринчи беллашувга қараганда анча яхши ҳаракат қилдик. Мухлисларни хурсанд қилолмаган бўлсак ҳам, бор кучимиз билан ҳаракат қилдик. Шу тарзда давом этсак, ўйиндан ўйинга кучайиб борамиз.

— Бугунги ўйин янги мураббий қўл остидаги учрашувларнинг энг яхшироғи деб айтишимиз мумкинми?

— Менимча, шундай. Янги мураббийнинг ғоя ва тактикаларини аста-секин тушуниб боряпмиз. Худо хоҳласа, ўйиндан ўйинга кучайиб борамиз.

— Марокаш терма жамоаси ҳақида нима дея оласиз?

— Улар кучли терма жамоа саналади. Улар ўз услубига эга. Бундай жамоаларга қарши ўйинлар орқали тажриба орттирамиз ҳамда уларнинг даражасига етамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +1