Игорь Таран: "Пахтакор" билан ўйинда хотиржамликка берилмадик"

У “Шерлар” дарвозасидан ўрин олган уч голдан иккитасига муаллифлик қилди. Учрашувда сўнг  сhampionat.asia  мухбири  Фаҳриддин Чориев Таран билан  қисқача суҳбат уюштирди.

- Игорь ишончли ғалаба билан табриклайман.
- Катта раҳмат.

- Учрашувдан олдин жамоадошларингиз билан нимани энг муҳим, ҳисобладинглар?
- Биринчи ўринда натижа эди. Яхши ҳамки бунга эришдик. Бу билан сафар учрашувларидан олдин кайфиятимизни кўтариб олдик.

- Биринчи голдан кейиноқ яна бир имкониятга эга бўлдингиз. Ундан фойдаланишингизга нима халал берди?
- Сизни ишонтириб айтишим мумкин, биз хотиржамликка берилмадик. Ҳар ҳолда ўз майдонимизда мухлисларимиз кўз ўнгида муҳим уч очкони қўлга киритиш эди.

- Ушбу шиддатли баҳсда “Шўртан” тулиқ  асосий таркиб билан майдонга тушди.
- Ўз олдига  мақсадларни қўйган жамоада  икки ёки икки яримтага тенг кучли таркиб бўлиши лозим. Лекин бизга ким билан тўқнаш келишимизнинг қизиғи йўқ эди. Олдимизга аниқ вазифа қўйилганди ва уни уддаладик. 

- Рақиб ўйинини қандай баҳолайсиз? “Пахтакор”дан кўпроқ нарса кутганмидингиз?
- Биз ҳамиша рақибимизнинг кучига етарлича баҳо берамиз. Акс ҳолда...

- Ҳар ҳолда пойтахтликлар ҳамиша ҳужумкор ўйин намойиш этишади.
- Бу сафарги ўйиндан сўнг ундай демаган бўлардим. Аммо юқорида айтганимдек, буни бизга қизиғи йўқ. Бизда ўз вазифамиз бор, уларда ҳам худди шундай.

- Энди бош мураббий ҳақида гаплашсак. Ихтиёр Каримов қарши ҳужум тактикасидан фойдаланади. Бу сизга маъқулми?   
-  Бу саволга жавоб бераверишдан чарчадим. Мен учун энг муҳими, майдонда ҳаракат қилиш ва вазиятга қараб иш тутиш.  

- Каримовни бош мураббий этиб тайинланиши ўз самарасини берадими?
- Натижа шуҳбасиз бўлади, ўзгаришлар фақат яхши тарафга бўлишни истаймиз. Умуман олганда, барчасини вақт кўрсатади. Таркибни аниқлаш эса фақатгина мураббийнинг ўзига боғлиқ.

Фаҳриддин Чориев.