Ўйинда миланликлар футболчиси Златан Ибрагимович иккита гол урди. 40 ёш 48 кунлигида гол урган Ибра бу орқали А Серияда дубль қайд этган ёши энг катта футболчига айланди. Шунингдек, XXI асрда ҳам ҳали бундай ёшда хеч ким ТОП-5 чемпионатларида битта ўйинда иккита гол урмаган.
Швециялик футболчи шунингдек Италияда ёши энг катта гол муаллифлари бўйича учинчи ўринга чиқиб олди. Лигада Алессандро Костакурта (41 ёш 25 кун) ва Сильвио Пиола (40 ёш 131 кун) гол урган энг ёши катта футболчилар ҳисобланади.
