- Терма жамоа билан ЖЧ йўлланмасини ҳал қилдингиз. Мана энди бироз танаффус юзага келган. Бўш вақтингизни қандай ўтказяпсиз?
- Ҳозирги танаффусни фаол ўтказмоқдамиз. Вақтим кўчадаги юмушлар, тренажёр зали ва теннис ўйнаш билан ўтмоқда.
- Миллий жамоа аъзоларига BYD Champion машинаси совға қилинди. Уни кимдир ота-онасига, кимдир укасига, кимдир жиянига совға қилди. Сиз машинани нима қилдингиз?
- Мен акамга совға қилдим, чунки футболга кириб келишимда акамнинг жуда катта ҳиссалари бор.
- Биламизки, сиз сўнгги вақтларда "Ал Ваҳда" таркибида асосан захирадан майдонга тушаётгандингиз. Ҳожимат Эркиновни келаси мавсум ҳам бу жамоа сафида кўрамизми?
- Ҳозирча аниқ билмайман. БААнинг 2-3 та жамоаси билан музокаралар кетмоқда, жумладан, "Ал Ваҳда" билан ҳам. Ҳаммасини вақт кўрсатади.
- Ҳожимат Эркиновни 5 йилдан кейин қайси жамоада кўрамиз?
- Соғ-саломат бўлсак, ўша пайт балки Европада, балки Осиёда. Насиб, ўшанда биламиз.
- Қизиқарли савол: Криштиану Роналду билан 1 соат суҳбатлашиш ёки Лионель Месси билан 1 та ўйинда бир жамоада ҳаракат қилиш. Қайси вариантни танлаган бўлардингиз?
- Криштиану Роналду билан 1 соат суҳбатлашиш.
