Гризманни Саулга алмашиш борасидаги музокаралар анча ривожланди. "Барса" ва "Атлетико" битим амалга ошади деб ҳисобламоқда

Томонлар бу осон келишув эмаслигини тушунишади, аммо футболчилар ва клублар бундай ҳолатда ўзлари учун муваффақият топишмоқда.

"Барселона" Гризманни жуда ҳам қадрлайди, аммо молиявий муаммолар Каталония клубини француз билан хайрлашишга мажбур қилмоқда. Серхио Агуэро ва Мемфис Депайнинг трансферидан сўнг Гризманнинг жамоадаги мавқеи заифлашди, сабаби Лионель Мессини қолишга кўндириш учун Серхио Агуэро олиб келинди, Роналд Куман эса Нидерландия терма жамоаси форвардини "кўк-анорранглилар"да кўрмоқчи бўлди. Агар Гризманн қолса, катта эҳтимол билан у ротация ўйинчисига айланади.

Антуаннинг атрофида инсонлар каталонияликлар ҳали унга таклиф билан чиқишмаганини таъкидлашмоқда. Англия клублари Гризманнинг вазиятини кузатишмоқда, аммо футболчини Мадридга қайтиш варианти жуда ҳам жалб қилмоқда. Сауль эса АПЛ клубларидан бирига эмас, "Барселона"га ўтишни афзал кўрмоқда.

Клублар битим муваффақиятга эришишига ишонишмоқда, сабаб ўйинчилар алмашинувга қарши эмас. Аммо, музокаралар чўзилиши кутилмоқда. "Барселона" "Атлетико"дан Гризманн учун қўшимча пул ёки бир ўйинчини олмоқчи. Бу битим вақт масаласидир.