Геннадий Кочнев: "Локо"дан очко олиш мақсадида келгандик"
08 сен 2017 21:08
Янгиликлар

Геннадий Кочнев: "Локо"дан очко олиш мақсадида келгандик"

Теглар : Шўртан

Олий лиганинг 20-туридан ўрин олган "Локомотив" - "Шўртан" (1:0) учрашувидан кейин ташкил этилган матбуот анжуманининг дастлабки қисмида меҳмонлар устози Ганнадий Кочнев иштирок этди.

- Аламли мағлубиятга учрадик. Бугун Тошкентда камида бир очко билан қайтишимиз мумкин эди. Қўпол хато якунда қимматга тушди. Футболчиларга ҳеч қандай эътироз йўқ.

"Локомотив" етакчи жамоа. Аммо шунга қарамай улардан очко олишимиз мумкин эди. Учрашув якунига келиб гол уриш учун ҳам вазият юзага келганди. Аммо ажойиб имконият қўлдан бой берилди. Ҳужумда муаммоларга эгамиз. Кам гол уряпмиз.

Бугун асосан иккинчи рақам билан ўйнаб, "Локо"ни қарши ҳужумда ушлаш тактикаси билан ўйнагандик. Аммо режаларимиз тўлиқ иш бермади.

"Пахтакор"га қарши ўйинга ҳам жиддий тайёргарлик кўрамиз.

Ҳавола :

Янгиликларни Телеграмда ўқинг!

Рейтинг: +1