Ғайрат Райимжонов: "Дерби мақомидаги баҳс бўлди"

Ўйинда фарғоналиклар 2:1 ҳисобида ғалаба қозонишди. Баҳсдан сўнг "Нефтчи" мураббийи Ғайрат Райимжонов ўйин борасида ўз фикрларини билдириб ўтди

- Қўқонликларга қарши ҳақиқий дерби мақомидаги ўйинга гувоҳи бўлдик ва Учкўприкда ҳам "Нефтчи"нинг ғалабали серияси давом этди. Очиғини айтиш керак, ўйиндан ўйинга жамоамиз аъзоларини ўзларига бўлган ишончлари ортиб бормоқда. Ҳамкасбим Баҳодир Қосимов билан биргаликда футболчиларни ушбу баҳсга жиддий ҳозирлагандик. Меҳнатларимиз ўз самарасини берди. Ўйинда хар бир қизимиз майдонда ўзига юклатилган масъулиятни тўғри ҳис этган ҳолда курашди. Битта гол баҳс тақдирини ҳал қиладиган учрашув эди ва ана шу голни биз киритишга эришдик. Мазкур ғалаба билан чекланиб қолмаймиз ва олға боришда давом этамиз, - деди Ғайрат Райимжонов.

Баҳодир Эргашев ёзиб олди