Футзал. Қозоғистон, Россия ва яна тўрт жамоа Жаҳон чемпионатига чиқди

Мундиалга чиқиш учун плей-офф жавоб ўйинларида ўзларига керакли натижа қайд этган 6 жамоа Колумбияга борадиган бўлди.

Илк ўйинда сенсацион тарзда мағлуб бўлган Испания терма жамоаси ўз уйида йирик ғалабага эришди. Қўшниларимиз Қозоғистон терма жамоаси биринчи ўйинда дуранг ўйнаган эди. Кеча ўз уйидаги баҳсда Польшани 7:0 ҳисобида тор-мор этган қўшниларимиз Жаҳон чемпионатига чиптани қўлга киритишди.

Сўнгги йўлланма эгаси бугун Италия ва Венгрия ўртасидаги жавоб баҳсидан сўнг маълум бўлади.

Футзал. Жаҳон чемпионати саралаши.
Европа қитъаси.
Плей-офф. Жавоб ўйинлари

Испания - Словения 5:1 (Биринчи ўйин 0:1)
Украина - Словакия 5:1 (6:0)
Қозоғистон - Польша 7:0 (1:1)
Португалия - Сербия 2:1 (2:1)
Россия - Беларусь 2:2 (4:1)
Озарбойжон - Голландия 4:4 (5:1)

Италия - Венгрия 13 апрель (3:0)

Эслатиб ўтамиз, Колумбиядаги мундиал 10 сентябрь куни старт олиб 1 октябрь куни ўз ниҳоясига етади. Унда илк бор Ўзбекистон миллий терма жамоаси ҳам иштирок этади.