Футзал. Ўзбекистон аёллар терма жамоаси Осиё чемпионатида 1/8 финалга чиқди! ФОТО

Қитъа чемпионатида иштирок этаётган Ўзбекистон аёллар терма жамоаси кеча мусобақадаги илк учрашувни Туркманистонга қарши ўтказди ва 3:1 ҳисобида зафар қучди.

1-турда Эрон Туркманистонни 14:0 ҳисобида мағлубиятга учратганди. Шундай қилиб, қизларимиз битта ғалаба билан гуруҳдан чиқиш масаласини ижобий ҳал қилиб қўйишди. Сабаби бизнинг гуруҳда 3та жамоа бор. Ўзбекистон Эрон билан ўйинда қандай натижа қайд этса ҳам 2-ўриндан пастга тушмайди.

7 май куни Аваз Махсумов шогирдлари Эронга қарши баҳс олиб боришади. Ушбу баҳс ғолиби гуруҳда 1-ўринни эгаллайди.

Футзал бўйича аёллар ўртасидаги Осиё чемпионати.
Ўзбекистон – Туркманистон 3:1
Голлар: З.Назарова (17), Р.Сафина (19), М.Бурҳонова (23) - Х.Эшниёзова (40).
Ўзбекистон: Л.Тиловова, З.Назарова, Ф.Турдибоева, М.Мунаварова, Л.Карачик
Захира: М.Бурҳонова, Н.Камолтоева, Х.Дадабоева, И.Турдалиева, Р.Сафина, М.Шойимова, М.Жонимқулова, Т.Зарбиева, Н.Кудратова.
Туркманистон: Н.Куликова, С.Мамметсахедова, М.Чориева, Х.Эшниёзова, О.Халилова.