"Фулхэм" бразилиялик ярим ҳимоячини сафига қўшиб олмоқчи

Англиянинг "Фулхэм" клуби Бразилиянинг "Флуминенсе" жамоаси ярим ҳимоячиси Андрени сотиб олишга уриниб кўради, деб хабар берди журналист Майк Макграт.

Агар Жоау Пальинья январда клубни тарк этса, 22 ёшли Андре "дачаликлар"нинг асосий трансфер мақсадига айланиши мумкин. Бразилиялик футболчининг агентлари унинг Премьер-лигага ўтишини муҳокама қилиш учун шу ҳафта Англияга келишади.

Олдинроқ Андрега Англиянинг "Ливерпуль", "Манчестер Юнайтед" ва "Тоттенхэм" клубларидан қизиқиш борлиги ҳақида хабарлар тарқалганди. Андре жорий мавсум "Флуминенсе" сафида 60 та ўйин ўтказиб, 1 та гол урган.