"Fulad" murabbiyi: "20-raqamli futbolchi nima uchun almashtirilganini tushunmadim"

4 mar 2015, 13:18
Kecha bo'lib o'tgan "Bunyodkor" - "Persepolis" o'yinini "Fulad" klubi murabbiylar shtabi ham stadionda kuzatib borishdi. Xabaringiz bor, bugun "Fulad" "Lokomotiv"ga qarshi maydonga tushadi.
Kechagi o'yindan so'ng "Fulad" katta murabbiyi Nenad Nikolich qisqacha o'z fikrlarini bildirib o'tdi:

"Uchrashuv yaxshi kechdi. Sardor Rashidovdan ko'prog'ini kutgandim, lekin u o'z o'yinini ko'rsata olmadi. Menga shuningdek, "Bunyodkor" bosh murabbiyi 20-raqamdagi futbolchini (Samir Bekrich) nima uchun almashtirgani ham tushunarsiz bo'ldi. Chunki u yaxshi o'ynab turgandi va uning harakatlari tufayli "Bunyodkor" hisobni tenglashtirishi mumkin edi. 20-raqamdagi futbolchi maydonni tark etgach, raqib yanada erkin harakat qildi".

X.Xoliqov.

Manba: championat.asia