Франция терма жамоаси устози: "Қайд этаётган натижаларимиздан фахрланамиз ва ўзимизга ишонишда давом этамиз"
28 сен 08:38
Янгиликлар

Франция терма жамоаси устози: "Қайд этаётган натижаларимиздан фахрланамиз ва ўзимизга ишонишда давом этамиз"

Теглар : Франция футзал терма жамоаси Рафаэль Ренауд

Жаҳон чемпионати 1/8 финал доирасидаги Таиланд - Франция (2:5) учрашувдан сўнг Франция бош мураббийи Рафаель Ренауд сайтимизга кичик интервью берди.

"Бугунги баҳсга тайёрлаган режамиз тўлиқ иш берди ва мен бундан жуда хурсандман. Жамоам режа бўйича ҳаракат қилди ва биз бугун ғалабага эришдик. Бугунги ўйиндан кўнглим тўлди. Парагвайда йиғин ўтказгандик ва ушбу жамоа билан ўртоқлик ўйинида иштирок этгандик. Бу сафарги тўқнашув эса Жаҳон чемпионати чорак финал доирасида бўлиб ўтади. Мен бундан жуда хурсандман. Парагвай каби кучли жамоага қарши майдонга чиқишимиз мени қувонтирмоқда. Биз қайд этаётган натижаларимиздан фахрланамиз ва ўзимизга ишонишда давоми этамиз. Асосий мақсадимиз гуруҳдан чиқиш эди, биз буни уддаладик. Энди эса чорак финал баҳси бизни кутиб турибди. Бўлажак рақибимизни ҳурмат қиламан, улар ажойиб футболи мамлакати" - деди Рафаэль Ренауд.

Абдулвосит Бектемиров суҳбатлашди