Бу ҳақда "Mundo Deportivo" хабар тарқатди.
61 ёшли мураббийнинг янги шартномаси 2028 йилгача мўлжалланган ва уни яна 1 мавсумга узайтириш мумкин бўлади. Манбага кўра, Флик "кўк-анорранглилар" Ла Лига чемпионлигини қўлга киритгандан сўнг янги битимга имзо чекади.
Мураббийнинг "Барселона" билан амалдаги келишуви 2027 йилгача амал қилади. Клуб дастлаб Флик билан 2029 йилгача мўлжаланган битим тузишни режалаштирганди, аммо мураббий унга кўпроқ мос келгани учун қисқароқ шартномани танлаганди.
Флик жамоани 2024 йилдан бери бошқариб келмоқда. "Барса" унинг қўл остида Испания чемпионати ва Қироллик Кубогини, шунингдек, икки марта Испания Суперкубогини қўлга киритган. Каталонияликлар 2025/26 йилги мавсум тугашига 5 тур қолганида Ла Лигада 11 очко фарқ билан етакчилик қилмоқда.
