Февзи Давлетов: "Бундан ҳам яхшироқ ўйнай оламиз"
24 авг 00:15
Янгиликлар

Февзи Давлетов: "Бундан ҳам яхшироқ ўйнай оламиз"

"Сурхон" бош мураббийи Февзи Давлетов Суперлига 20-тур доирасидаги "Насаф" (1:2)га қарши ўйиндан сўнг матбуот анжуманида иштирок этди.

"Насаф" — чемпионат етакчиси. Бизни қийин ўйин кутиб турганди. Биринчи бўлимда мудофаада озми-кўпми яхши ўйнадик. Аммо, жуда кўп хатолар қилдик. Бунга эҳтимол рақиб, эҳтимол ҳаёжон сабаб бўлдимикин... Ҳаракатларимизда ўзига ишонмаслик бор эди. Иккинчи таймга келсак, оддий жойда тўрт дақиқа ичида иккита хатоимиз туфайли тўп ўтказиб юбордик, "Насаф" эса хатоларни кечирмайдиган рақиб. Шу голлардан сўнг бироз ҳужумкорроқ ўйнашни бошладик. Бунга биринчи бўлимда нима ҳалақит берганди? Буни таҳлил қилиш керак. Голдан сўнг ҳам кўп хатолар қилдик", — дея гапни бошлади термизликлар бош мураббийи.

— "Сурхон" Қўқонда ва бугун кўрсатган ўйини билан мухлисларни хурсанд қиляпти. Сизлар халқ яхши кўрадиган жамоага айланяпсизлар.

— Биз бундан ҳам яхшироқ ўйнай оламиз. Бугун эса бундай ўзимизга ишонмаган ҳолда ўйнашимиз керакмас эди. Буни таҳлил қиламиз ва кейинги ўйинга тайёргарлик кўрамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +1