Ўйин ҳақида
- "Машъал" жамоасини ғалаба билан табриклайман ва навбатдаги учрашувларда омад тилайман. Жамоа Суперлигага қайтса, бундан фақат хурсанд бўламиз. Тан олиш керак, бизнинг ҳозир Про-лигага кучимиз етмаяпти. Тажриба керак, таркибимиз ёш футболчилардан иборат. Вазиятларни муваффақиятли якунлайдиган футболчилар етишмовчилиги бор. Булар ҳам аста-секин бўлади. Про-лига бизга катта тажриба бўлаяпти. Ўйиндан-ўйинга ўсиб бораяпмиз, бу яққол кўриниб турибди. Йигитларга рахмат айтаман, бизнинг лойиҳамиз режаси 4 йиллик мақсадга асосланган. Бугун ҳар қандай рақиб билан кураша олишимизни кўрсата олдик деб ўйлайман.
- Жамоангиз кўп вазиятлар яратмоқда. Лекин фойдаланиш даражаси юқори эмас. Бу борада қандай ишлар амалга оширилаяпти?
- Бу фақат бизда эмас, бутун ўзбек футболидаги муаммо. Машғулотларда ушбу камчилик устида ишлаяпмиз. Вақт ўтиб натижасини беради албатта. Йигитларда руҳият билан боғлиқ ишонч шаклланиши керак. Вазиятларни таҳлил қилиб, хатолар устида ишлаймиз.
