"Непалга қарши ўйин яхши ўтди. Режаларимизни барчаси амалга ошди. Биринчи ўйин билан таққослаганда деярли бутун таркибни алмаштирдик, чунки ҳар икки кунда майдонга тушяпмиз. Иккита ўйинда икки хил таркиб билан ҳаракат қилдик ва бу ўйин сифатига таъсир қилгани йўқ. Камбоджа билан ҳам, Непал билан ҳам майдонга тушган футболчилар ўзларининг энг яхши сифатларини кўрсатишга ҳаракат қилишди. Бизнинг йигитлар Непал футболчиларидан ақллироқ, техник жиҳатдан кучлироқ ва тезроқ экани кўриниб турди.
Олдинда асосий ўйинлар кутиб турибди. Мезбон Хитой Тайпеи, кейин Баҳрайн билан баҳсларга тайёргарликни бошлаб юбордик. Бўшашишга ҳаққимиз йўқ", - деди Фарҳод Нишонов championat.asia сайтига.
Эслатиб ўтамиз, Ўзбекистон U-20 терма жамоаси навбатдаги баҳсни 27 сентябрь куни Хитой Тайпеига қарши ўтказади. Ўзбекистон иккита ўйинда 6 очко тўплаб гуруҳда якка пешқадам бўлиб турибди.
