Фарҳод Нишонов: “Бизда кичик Қуттибоев бор”
28 авг 2024 22:59
Янгиликлар

Фарҳод Нишонов: “Бизда кичик Қуттибоев бор”

Про-лиганинг 18-туридан ўрин олган “Арал” - “Олимпик MobiUz” (1:1) учрашувидан сўнг меҳмонлар бош мураббийи Фарҳод Нишонов матбуот анжуманида иштирок этди.

Ўйин ҳақида

- Ўйин учун йигитларга рахмат айтаман. Улар бугун берилган кўрсатмаларни яхши бажаришди. Биз бугун рақибдан ва майдондан келиб чиқиб, услубимизга ўзгартириш киритдик.

- Жамоанинг жисмоний ҳолати қандай?

- Жисмоний ҳолатимиз яхши. Бу борада бизда муаммо йўқ. Ҳеч қайси жамоадан қолишаётганимиз йўқ. Охирги дақиқаларда гол ураётганимиз бу нормал ҳолат.

- Қуттибоевлар тўқнашуви ҳақида фикрингиз?

- Шунақаси ҳам бўлиб туради. Бизнинг жамоада кичик Қуттибоев бор. Ўйиндан олдин ўзидан сўрадим, яқинларига қарши ўйнаш балки ҳаяжон олиб келиши мумкин бўларди. Бироқ, унинг ўзи ўйинга тайёр эканини айтди. Келажаги порлоқ футболчи бўлиб етишишига ишонаман. Ўйнади, ўзини кўрсатди.

Ҳавола :

Манба : championat.asia

Янгиликларни Телеграмда ўқинг!

Рейтинг: