UZ

Сўнгги янгиликлар

19:15Шиддатли кечган "Бунёдкор" — "Сўғдиёна" учрашувида дуранг қайд этилди, Бошкович қизил карточка олди  6 19:04Про лига 25-турида ишлайдиган расмийлар маълум  1 19:00АПЛ. "Вест Хэм" - "Манчестер Юнайтед" 0:0 (матнли трансляция)  4 18:50"Фулад" — "Сепахон". Ўткир Юсупов асосий таркибда  2 18:41"Бохум" — "Бавария". Мусиала ва Кейн асосий таркибда  1 18:12АПЛ. "Челси", "Тоттенхэм" ва МЮ иштирокидаги ўйинларнинг таркиблари маълум  7 17:22"Андижон"нинг иккинчи даврадаги илк ғалабаси ёхуд "Олимпик" билан ўйиндан ФОТОГАЛЕРЕЯ  1 17:06"Ал Батаеҳ" — "Ал Наср". Азиз Ғаниев асосий таркибда  1 16:53Хуммельс "Рома"дан кетади?  3 15:55РПЛ. "Рубин" меҳмонда иродали ғалабага эришди, Ашурматов 90 дақиқа ўйнади  3 15:16"Милан" ва "Ювентус" Антони учун даъвогарлик қилмоқда  11 14:40"Реал ПСЖ юлдузи учун 100 млн евродан ортиқ таклиф қилишга тайёр  20 13:33"Боруссия" ўз футболчисини 100 миллион еврога баҳолади  1 12:54U-17 Осиё кубоги саралаши. Ўзбекистон учинчи турда Ироқни мағлуб этган ҳолда, гуруҳда биринчи ўрин билан Осиё кубогига йўлланмани қўлга киритди  23 12:12Футзал. Эртага Олий лиганинг янги мавсуми старт олади  3

Фарҳод Нишонов: "Биз 9 очкони мўлжаллагандик" Янгиликлар

Фарҳод Нишонов: "Биз 9 очкони мўлжаллагандик"

Ўзбекистон Кубогининг 2-тури доирасида "Локомотив"га қарши ўйиндан кейин "Олимпик Mobiuz" жамоаси бош мураббийи Фарҳод Нишонов фикрларини билдирди.

- Бугун ўз ўйинимизни кўрсата олмадик, бунга "Локомотив"нинг босими сабаб бўлди. Барибир "Локомотив" - катта клуб, таркибида номдор, тажрибали футболчилар бор. Ушбу футболчиларнинг босими таъсир қилди деб ўйлайман. Шу сабабли ўйин чиқмади. Дуранг биз учун яхши натижа десам ҳам бўлади. Улар биздан ҳар томонлама яхши ўйин намойиш қилишди.

- Бугун иккала жамоа таркибида четлатишлар бўлди. Бу ҳақида қандай фикрдасиз?

- Иккала ҳолатда ҳам ҳакам тўғри қарор чиқарди деб ўйлайман. Ўз жамоамни айтадиган бўлсам, футболчим йўқ жойдан қизил карточка олди. Бу кейинчалик асосий мусобақаларда панд бериши мумкин. Бу билан шуҳулланамиз, барчасини тушунтирамиз. Кераксиз вазиятда у жамоани қийин ҳолатга тушириб қўйди. Балки қизил карточка бўлмаганда, ютиб кетишимиз мумкин эди.

- Жамоа олдига кубокда қандайдир вазифа қўйилганми?

- Жамоамизда кубокда ҳам, умуман барча ўйинларда ғалаба учун ўйнаш вазифаси бор. Биз ғалабалар орқали Суперлигага йўлланма олмоқчимиз ва кубокда ҳам узоқроққа бормоқчимиз.

- "Олимпик Мобиуз" Суперлигадаги "Олимпик"нинг фарм-клубими?

- Йўқ, биз алоҳида жамоамиз. Лекин биз 2028 йилги Олимпиадага тайёргарлик кўраяпмиз. Албатта, "Олимпик"нинг ҳам бизга алоқаси бор. Улар бу босқичга тайёргарлик бораётган бўлса, биз кейингисига. 2028 йилга келиб, ушбу футболчилар 22, 23 ёшга кирган бўлишади. "Олимпик Мобиуз" ва "Олимпик" лойиҳаси битта. 

- Ўтган тур жамоа "Қизилқум" билан ўйнади, бугун эса "Локомотив". Булар Суперлиганинг номдор жамоаларидан. Улардан 4 очко олинди. Бу ҳақида фикрингиз.

- Биз 9 очкони мўлжаллагандик, бироқ 4 очко ҳам ёмон эмас. Лекин ҳали кейинги босқичга чиққанимиз йўқ. Барча жамоаларда имкониятлар етарлича. Кейинги ўйинда ғалаба қозонишимиз керак.


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика