Эшитдик-да! "Сурхон" Анзур Исмоилов билан келишувга эришди
13 дек 2022 21:15
Янгиликлар

Эшитдик-да! "Сурхон" Анзур Исмоилов билан келишувга эришди

Теглар : Анзур Исмоилов Эшитдик-да!Сурхон Имрон Улад Омар

Суперлига клублари аллақачон янги мавсум учун таркибни шакллантириш жараёнини бошлаб юборишган.

Кеча айнан "Эшитдик-да" рукни орқали Термизнинг "Сурхон" клубига нидерландиялик Имрон Улад Омар келаётгани ҳақида хабар берган эдик.

Эшитдик-да! "Сурхон"га нидерландиялик футболчи келяпти

Бугун термизликлар Суперлигамиздаги энг тажрибали ҳимоячи Анзур Исмоилов билан ҳам келишувга эришган. Иккала томон ўзаро келишувга эришиб бўлди.

37 ёшли марказий ҳимоячи 2023 йилги мавсумни "Сурхон" таркибида ўтказади. Исмоилов ўтган мавсум АГМК таркибида Суперлигада 22та ўйинда майдонга тушди ва 2та гол урди.

"Сурхон" бу билан тўхтамоқчи эмас. Клуб Ҳамиджон Актамов бошчилигида яна бир қатор шов-шувли "юришлар"ни амалга оширмоқчи. Қолганини вақт кўрсатади.