Eshitishimizga qaraganda, jamoani 2021 yilgi mavsumda boshqargan Piter Xyuistra bilan hamkorlik davom ettirilmaydi. Niderlandiyalik mutaxassis ko'p ehtimol bilan Shota Arveladzening yangi jamoasida u bilan birga ish boshlaydi. Avvalroq Shota Angliyaning "Xall Siti" klubini qabul qilib olishi haqida xabar bergandik.
Eslatib o'tamiz, Piter 2018-2020 yillarda ham gruziyalik murabbiyning "Paxtakor"dagi assistenti vazifasini bajargan edi.
Shuningdek, "Paxtakor"ning yangi murabbiyi ham xorijlik mutaxassis bo'ladi. Uning 8 yanvar kuni Istanbul orqali Toshkentga uchib kelishi kutilyapti.
