Эшитдик-да! "Олимпик" ҳимоячисига Суперлиганинг 4 клуби қизиқмоқда

"Championat.asia" олган маълумотларга кўра, Тошкентнинг "Олимпик" жамоаси ўнг қанот ҳимоячиси Саидазамат Мирсаидовга Суперлиганинг бирданига 4 клуби қизиқиш билдирмоқда. Булар: "Навбаҳор", "Сўғдиёна", "Локомотив" ҳамда "Нефтчи". Юқоридаги клублар футболчи билан алоқага чиқиб улгуришган ва музокаралар ҳам бошланган.

Эслатиб ўтамиз, 22 ёшли Саидазамат ортда қолган мавсум Суперлига ва Ўзбекистон кубогида жами 29 та ўйинда майдонга тушди ва 2 та гол уриб, 2 та ассист қайд этди.

Маълумот учун "Навбаҳор"да ўнг қанот ҳимоячиси Даврон Ҳошимовнинг клуб билан тузган шартномаси ўз ниҳоясига етган. "Сўғдиёна"да ўнг қанот ҳимоячиси Алишер Салимов жамоани тарк этган. "Локомотив" ўнг қанот қўрғони Манучеҳр Сафаров бугун расман "Нефтчи" аъзосига айланди. "Нефтчи"нинг ўнг қанот ҳимоячиси Умар Адҳамзода эса "Пахтакор"га ўтиш арафасида эканлигини хабар бергандик. Кўриб турганингиздек юқоридаги 4 клубда ҳам ўнг қанотда муаммолар юзага келган. Фақатгина "Нефтчи" Манучеҳр билан имзоланган шартномадан кейин бу чизиқдаги муаммосини бартараф этгандек.