Championat.asia маълумотларига кўра, "Қизилқум" жамоаси нигериялик футболчилар Ифиани Ифиани ва Виктор Мбаома билан шартнома имзолади. Икки ўйинчи жамоа билан кўрикдан ҳам ўтишга улгурган.
Ифиани Ифиани ўзбекистонлик мухлисларга "Машъал"даги ўйинлари орқали яхши таниш. Футболчи 2022 йилнинг бошида "Машъал"ни тарк этиб, Ироқнинг "Наврўз" клубига кўчиб ўтганди.
Виктор Мбаоманинг охирги жамоаси эса Жазоирнинг "МК Жазоир" клуби бўлган. Ундан олдин эса футболчи Нигериядаги маҳаллий клубларда тўп тепган.
