«Энфилд» стадионига йиғилган мезбон мухлислари каталонияликлар форварди Луис Суаресга қарата норозилик кўрсатишмоқда. Улар уругвайлик футболчига хуштаклар чалиб, унга қарата норозилик кайфиятидаги сўзларни ёғдиришмоқда. Бунга Суареснинг илк ўйинда «Ливерпуль» дарвозасини ишғол этганидан сўнг, голни нишонлагани сабаб сифатида кўрсатилмоқда. Қайд этиш жоизки, 32 ёшли футболчи олдинроқ «қизиллар» шарафини ҳимоя қилганди.
