"Эл-Классико"даги баҳсли вазиятлар (+ФОТО)

Ўйин 3:0 ҳисобида Каталония клубининг ғалабаси билан якунланди. Баҳсдан сўнг ижтимоий тармоқларда каталонияликлар дарвозасига пенальти белгиланиши кераклиги ҳақида тортишувлар бўлиб ўтди.

Учрашувдаги илк жиддий баҳсли вазият 76-дақиқада содир бўлди. Марко Асенсио тўпни жарима майдони ичига узатаётганда, тўп майдонча ичидаги Серхи Робертонинг қўлига тегди. Аммо ҳимоячи қўлларини яширишга уринганди, бироқ зарба йўналиши айнан унинг қўли туфайли ўзгарди. Ҳакам Хосе Санчес ўйинни давом эттириш мумкинлигини кўрсатди.

Иккинчи баҳсли вазият ҳам биринчисига ўхшаб кетади. 83-дақиқада тўп жарима майдончаси ичида яна "Барселона" футболчисининг қўлига тегади. Бу сафар Ракитич Крооснинг узатмасини бартараф этди. Хорватиялик ярим ҳимоячи қўлини танасига тортди, аммо тўп барибир ўша тана аъзосига тегди. Иккинчи вазиятда ҳам Хосе Санчес "Реал" футболчиларига ўйнашда давом этиш кераклигини маълум қилди.

Муҳокамаларга сабаб бўлган сўнгги воқеа эса баҳснинг охирги сонияларига тўғри келди. Учинчи гол урилишидан олдин Месси майдонни тарк этган тўпни қайтаргандек бўлди, аммо такрорий лавҳаларда тўп майдондан чиқиб кетгани кўринди. Ён ҳакам Месси туфайли тўп қаердалиги кўра олмади ва байроқчасини кўтармасликка қарор қилди.

Ижтимоий тармоқларда баъзи мухлислар 1 ва 2-вазиятларда пенальти қўйилиши кераклигини айтган бўлса, бошқалар аксинча фикр билдирди.

Сизчи, сиз бу вазиятлар ҳақида қандай фикрдасиз?