Унинг сўзларини журналист Фабрицио Романо келтирган.
"Менинг келажагим "Манчестер Сити" билан боғланган. Мен бу ёзда клубни тарк этмайман", – деди Эдерсон.
Аввалроқ ОАВ "шаҳарликлар" бразилиялик футболчини сотиш ҳақида ўйлаётгани ва у Саудия Арабистони чемпионатига йўл олиши мумкинлиги ҳақида хабар берган эди. Эдерсон ўтган мавсум барча мусобақаларда 38 ўйин ўтказди. Унинг клуб билан шартномаси 2026 йилнинг июнь ойи охиригача амал қилади.
