УЕФА ушбу мавсумдаги ўйинларни август ойида ўтказишни режалаштирмоқда. Шу боисдан навбатдаги мавсум еврокубокларнинг саралаш босқичлари ўйинлари қисқариши мумкин.
Қайд этилишича, ЕЧЛнинг 2020/21 йилги мавсум гуруҳ босқичи ўйинлари 20 октябрь, Европа лигасиники эса 22 октябрь куни бошланиши кутилмоқда.
Нидерландияда сентябрга қадар футбол ўйинларини ўтказиш тақиқлангани учун у ерда саралаш баҳсларини ўтказиб бўлмайди.
Ҳозирда УЕФАдагилар саралаш ўйинларини нейтрал стадионда бир ўйинлик қилиш ёки умуман ўтказмаслик борасида музокаралар олиб бормоқда.
УЕФАнинг навбатдаги йиғилиши 27 май куни бўлиб ўтади.
