Ушбу учрашувдан олдин Самарқанд футболи тарбияланувчиси, “Динамо” футбол клуби собиқ футболчиси, ҳозирда оғир ҳасталик билан кураш олиб бораётган Сирожиддин Сайфиевни қўллаб-қувватлаш учун “Сирож биз сен билан” акцияси ўтказилади.
Стадионда саховат қутиси ташкил этилиб, мухлислардан тушган маблағ даволаниш курсларини давом эттираётган Сирожиддин Сайфиевга етказилади.
Эслатиб ўтамиз, “Динамо” – “Истиқлол” ўйини бугун соат 15:00да бошланади. Самарқанддаги учрашув “Спорт” телеканали томонидан тўғридан-тўғри эфирда намойиш этилади.
