"Динамо" Элгужа Григалашвили билан 1,5 йиллик шартнома имзолади

"Динамо" Элгужа Григалашвили билан 1,5 йиллик шартнома имзолади

Суперлига иккинчи давраси олдидан таркибини кучайтиришни режалаштирган "Динамо" жамоаси ўз сафига легионер футболчи қўшиб олди.

Ёзги трансфер ойнаси ёпилишига бир неча соат қолганида "Динамо" клуби грузиялик легионер Элгужа Григалашвили билан келишувга эришди. Куни кеча, 29 июль куни "Навбаҳор" билан хайрлашган 32 ёшли ҳужумкор яримҳимоячи бугун, 30 июль куни "Динамо" ПФК билан 1,5 йиллик шартномага имзо чекди. Унга кўра, Григалашвили 2023 йил охирига қадар жамоамиз шарафини ҳимоя қилади.

"Динамо" Тбилиси тарбияланувчиси саналмиш Элгужа бунга қадар "Динамо" Батуми, "Торпедо" (Кутаиси), Кипр клублари, "Қизилқум", АГМК ва "Навбаҳор" шарафини ҳимоя қилган. Грузия миллий жамоаси сафида тўп сурган. У Суперлига 1-даврасида "Навбаҳор" сафида 12 ўйинда майдонга тушиб, 3та голга муаллифлик қилганди.

"Динамо" жамоасига хуш келибсан, Элгужа", — дейилади самарқандликлар хабарида.

Эшитдик-да! Григалашвили "Навбаҳор"ни тарк этди, унинг янги жамоаси маълум