Денис Коростиченко: "Йигитлар натижа сабаб озроқ қўрқув билан ўйнаяпти"
16 сен 19:33
Янгиликлар

Денис Коростиченко: "Йигитлар натижа сабаб озроқ қўрқув билан ўйнаяпти"

Суперлиганинг 18-туридан ўрин олган "Олимпик" – "Металлург" (1:1) учрашувидан сўнг мезбонлар бош мураббийи Денис Коростиченко матбуот анжуманида иштирок этди.

- Ўйин ҳақида

- Биринчи навбатда ўйиндаги характер учун йигитларга миннатдорлик билдираман. Иккинчи бўлимда кўрсатган ўйинимиз билан мағлубиятга лойиқ эмасдик. Иккинчи бўлимда ўйинни назорат қилдик. Бироқ, айтиш жоиз, биринчи бўлимда озроқ эътиборсизликка йўл қўйдик.

- Расмий ўйинларда жамоа билан биринчи ғалабани қўлга киритиш учун жамоага нима етишмаяпти?

- Машғулотларда жиддий ишлаяпмиз. Йигитлар ҳаракат қилишаяпти. Етишмаётган жиҳат, менинг фикримча, ўйиндаги биринчи голни биз ура олмаяпмиз. Гол ургандан сўнг мотивация бўлади. Ўртоқлик ўйинларида "Сурхон"ни мағлуб этдик ва бу йигитларда анчайин иштиёқни қайтарди. Биринчи голни биз урсак, ишонч пайдо бўлади. Йигитлар натижа сабаб озроқ хавотир билан ўйнаяпти.

Ҳавола :

Манба : Championat.asia

Янгиликларни Телеграмда ўқинг!

Рейтинг: +1