Дембеле МЮ билан музокараларда қатнашаётгани боис машғулотларга кеч қолган

"AS" хабарига кўра, у "Манчестер Юнайтед"га ўтишга яқин турибди. "Барселона" вингерни 50-60 млн евро эвазига қўйиб юборишга тайёр. Трансфер ишларининг тезлик билан олиб борилаётгани "Барселона"нинг Мемфис Депай трансфери учун маблағ излаётгани билан ифодалаш мумкин. "Юнайтед" эса ўтган йилнинг ёзидан буён "Барселона"га Дембеле борасида бир неча таклиф юборган.

Энди эса Рональд Куман 23 ёшли футболчининг хизматларига эхтиёж сезмаётганидан "Юнайтед" фойдаланиб қолмоқда. 2017 йилда футболчи 130 млн евро эвазига Дортмунднинг "Боруссия"сидан "Барселона"га ўтганди. Бироқ у Каталонияда жароҳатлар гирдобига тушиб қолди. 3 йил давомида Усмон 7 марта мушакларидан жароҳат олди.

Ўтган мавсумда эса у атиги 5 ўйинда майдонга тушди ва 1 марта рақиблари дарвозасига йўл топди.