Де Бьязи: "Муваффақиятли стартни амалга ошира олмадик"

- Бизга муваффақиятли старт керак эди. Аммо буни амалга ошира олмадик. Дастлабки 20 дақиқада керагидан ортиқ ҳаяжонландик. Гол ўтказиб юборгандан сўнг янада қийин бўлди. Учрашувдаги иккита ҳал қилувчи вазият бу ўтказиб юборилган гол ва четлатиш бўлди. Қизил карточка борасида баҳслашмайман. Чунки ҳакам жуда тўғри қарор қабул қилди. Биз ўзимиз юзага келган вазиятлардан унумли фойдалана олмадик. Айниқса учрашув финиши олдидан Гашида бўлган имконият. Бизга омад ҳам кулиб боқмади. Ўйин дебютидаги ҳаяжонлар, эҳтирослар туфайли жуда кўп хатоларга йўл қўйдик. Голга қадар ҳам кетма-кет юзага келган хатолар қимматга тушди. Биз фақат 20-дақиқадан сўнг ўйнай бошладик. Футболчилар жуда кеч ўзларига келишди. Чунки унга қадар ҳал қилувчи вазиятлар содир этиб бўлинганди.