Даврон Файзиев: "Обод"га ҳавасим келди"

- "Обод" жамоасига ҳавасим келди. Уларнинг ёш футболчилари кўрсатган ўйинига ҳавас қилдим. Мағлубиятни ҳаққоний эканлигини қабул қилиб олиш ҳам мардни иши.  Футболни юриб эмас, югуриб ўйналади. Шундагина ғалабага эришиш мумкин. "Обод" биринчи голни ҳаққоний урди. Шунчаки қанот ҳакамининг аввалига байроқчасини кўтариб қўйгани футболчиларни чалғитди. Лекин бу вазиятда футболчиларим охиригача курашишлари керак эди. Тимур Ҳакимовни майдонга туширганим бу мени айбим. Чунки Тимур жароҳатидан тўлиқ фориғ бўлганига ишонмагандим. Бугун ҳам текис жойда оёғини қайириб олди. Футболни қоғоздаги номлар билан ўйнаб бўлмайди. Бугун жамоамиз рақибга нисбатан ҳурматсиз ҳаракат қилди ва "Обод"ни менсимади. "Сўғдиёна"га характер ва иштиёқ етишмади. Санжар Рашидовнинг ўйинидан қониқдим, аммо Музаффаровнинг кўрсатган футболи талабга жавоб бермади. Чунки Музаффар иккинчи беллашувдирки ўз даражасидан паст ўйнамоқда.

- Учрашув қайдномасида бош мураббий, яъни сиз, дарвозабонлар мураббийи ва бош шифокордан бошқа ҳеч ким қайд этилмаганди. Қолганлар қани?

- Бу саволни қачонлардир беришларини кутгандим. Тўғриси, ҳозирда баъзи футболчилардан қарздорлигимиз бор ва ПФЛ шунинг учун жамоа маъмури, ёрдамчи мураббийларни лицензиясини олиб қўйган. Қачонки қарздорликни ёпсак, шундагина лицензияларни қайтариб беришади. Қонун ва қоида барча жойда бир хил. Уларнинг кўмаги менга ўйин пайтида албатта етишмаяпти.