Бекободликлар учрашувда бир киши кам бўлиб қолганига қарамай якунда ғалаба қозонишни уддасидан чиқишди. Мазкур ўйиндан сўнг жамоанинг муҳим фигураларидан бири Дамир Темиронинг фикрлари билан қизиқдик.
- "Олимпик" билан меҳмонда ўйнаш қийин. Боз устига бир киши кам бўлиб жамоа вазиятдан қандай чиқиб кетди?
- Алббата ўйин осон бўлгани йўқ. Буни ҳамма кўрди. Муҳими қизил карточка олган жамоадошимиз учун ҳам ҳаракат қилдик ва руҳан синмадик, дея оламан. Ғалабага қанчалик ташна эканлигимизни кўрсатдик.
- "Олимпик" бу йил кучсизлангани рақибларга енгиллик беряптими?
- Бу жамоа кучсизланган, дейиш нотўғри. Таркибда ротатциялар қилинган бўлса ҳам ўйин тизими, услуб ўзгармаган.
- Узоқ вақтдан сўнг бу йил майдонга қайтдингиз. 8 ойни майдон ташқарисида қандай ўтказдингиз?
- Руҳий босимдан чиқиб кетиш осон бўлмади. Албатта 8 ой футболсиз футболчи учун жуда қийин. Буни тасаввур қилиб бўлмайди. Ҳозирги спорт формамга келсак, ўзимни анча яхши ҳис қиляпман. Муҳими жамоага ёрдам беришга тайёрман.
- Веско Стешевич айрим футболчларни позицияларини ўзгартирди ва янги қирраларини очди. Бу борада сизга ҳам қандайдир тавсиялар бердими?
- У кучли мураббий. Мендан эса кўпроқ прессингда ишлашимни талаб қилади.
Абдулазиз Искандаров суҳбатлашди
