"Челси" ўтган йили "Ливерпуль" юлдузини сотиб олишга яқин бўлган

"Polymarket FC" портали маълумотига кўра, Лондон клуби ўтган йили "Ливерпул"нинг 34 ёшли ҳимоячисини ўзига оғдириб олишга уринган. Ўша пайтда футболчи "қизиллар" билан янги шартнома имзолаш борасида иккиланиб турганди.

Хабар қилинишича, "кўклар" ван Дейкнинг "Энфилд"даги келажаги атрофидаги мавҳумликдан фойдаланишни истаган. "Челси" раҳбарияти мудофаа чизиғи вакилига шахсий шартлари жуда фойдали битим таклиф қилган, бироқ футболчи буни "Ливерпул"га нисбатан ҳақиқий хиёнат деб ҳисоблаб, қатъий равишда рад этган.

Оқибатда, ван Дейк "Ливерпуль" билан келишувга эришиб, янги ва яхшиланган шартномага имзо чеккан. Бу битим унинг клубдаги фаолиятини 2027 йил ёзигача узайтиради.

Нидерландиялик ҳимоячи жорий мавсум "қизиллар" либосида 29 ўйин ўтказиб, 2 та гол муаллифи бўлган.